Matapos ang mainit nga debate sa City Council, naghisugot ang mayoriya sang Konseho nga pamatukan ang renewal sang Prangkisa sang Panay Electric Company ukon PECO.
Ginpahayag ni Councilor Joshua Alim nga nangin mainit ang diskusyon sa konseho sa iya ginduso nga pamatukan ang renewal sang prangkisa sang PECO para sa masunod naman nga 25 ka tuig.
Suno kay Alim nga nagpabor ang halos tanan nga katapo sang Sangguniang Panglungsod magluwas lamang kay Councilor Ed Peñaredondo nga nag-abstain.
Ginhatagan pagtamod ni Alim nga nahisugtan nila nga pamatukan ang pag-renew sang franchise sang PECO kag ginhingyo sa National Government nga i-take over ang operation sini tubtub may bag-o nga power Distributor nga maga-operate sa siyudad sang Iloilo.
Nahibaluan nga madamo sang mga konsumidor sang PECO ang nagareklamo sa palpak kag indi maayo nga serbisyo sini ilabi na sa ila meter reading kag billng system.
