Davao City – Andam mag-convene ang Davao City Council aron magduso og resolusyon alang sa dugang pundo ugali magdeklara og dengue outbreak ang lokal nga kagamhanan ning siyudad sa Dabaw.
Suma ni 3rd District Councilor Joselle Villafuerte nga mag-agad ang konseho sa lakang sa kagamhanang lokal dinha sa pagdeklara og dengue outbreak ayha sila makapahigayon og emergency session.
Gipasalig sa konsehal nga andam nilang tugotan ang lokal nga gobyerno nga makagamit og dugang pun-do pinaagi sa pagpasar og resolusyon kung matigayon ang ilang emergency session.
Una nang gi-anunisyo ni Davao City Health Office Head Dr.Josephine Villafuerte nga critical stage na ang siyudad sa dengue human anaa na sa lima ka pasyente ang namatay tungod sa maong balatian.
Gikan buwan sa Enero hangtud karong bulana, kapin gatos na ang namatay gikan sa kapin usa ka gatos ka libo natakbuyan sa dengue tibuok nasud hinungdan nagdeklara og National Alert Dengue ang Department og Health sa tibuok nasud.
Gihagit ni Councilor Villafuerte kinsa chairperson sa Committee on Health sa hawanan sa konseho ang mga barangay opisyales nga pangunayan ang kampanya kontra dengue sa ilang mga barangay.
Gidasig sab sa opisyal ang katawhan nga batasanon ang 4’oclock matag hapon ug maglimpyo sa palibot aron mabungkag ang mga lugar nga pangitloganan sa lamok nga nagdala og virus sa sakit nga dengue.
Alang sa konsehala, ang pagtinabangay sa mga otoridad sa barangay ug sa mga lumulopyo niini uban sa ang pinaka-epektibong pamaagi sa pagbatok sa balatian nga dengue.
RadyoMaN Joel Viray
