May yara sang short term kag long term plan ang City DPWH agud masolusyunan ang ka-delikado sang Diversion Road para sa mga Pedestrian.
Ini ang ginpahayag ni Engr. Rodney Gustilo, ang District Engineer sang City DPWH matapos ginsapol sila ni Mayor-Elect Jerry Trenas kasunod sang natabu nga aksidente sang sabado nga adlaw nga ginkamatay sang mag-asawa nga manunudlo.
Suno kay Gustilo nga sa idalum sang short term plan amo ang pagbutang sang rumble strips agud mangin warning sa motorista nga nagapadulong sila sa pedestrian lane kag dapat nga magbahar.
Sa idalum naman sang long term plan amo ang pagtukod sang dugang nga pedestrian overpass kag magpahamtang sang CCTV cameras sa kalabaon sang Diversioan Road.
Facebook Comments
