Davao City- Nanawagan ang City Economic Enterprise sa publiko nga aron dili maipit o magkaproblema pananglitan mangawala ang mga lubong sa ilang mga kabanay sayuhon kini og bisita diha sa mga pampublikong sam-ang.
Kini segun ni City Economic Enterprise Cemetery Chief Joseph Fernandez.
Gipasabot ni Fernandez nga dili na dayon dali nga matubag ang tanang mga concerns sa publiko kung atol pa mismo sa kalaglakag nila kini idangop.
Matud sa opisyal nga kung adunay may mga reklamo sama sa pagkawala sa lubong ug uban pa mamahimong muduol dayon sa mga caretakers o opisina sa mga sementeryo.
Samtang mutotal na sa kapin 100,000 ka mga lubong ang anaa sa siyam ka tanang mga pampublikong mga sementeryo dinhi sa Davao City.
Gikanayon ni Fernandez nga gisugdan na sa lokal nga panggamhanan ang rehabilitasyon sa Wireless Cemetery ug target nga ma- rehabilitate sunod tuig ang Panacan ug Maa Cemetery.
RadyoMan Aimee Guinita
