Dugay na matod pa kini nga gipahibalo ang mga residente sa bypass Road brgy. Sta Isabel nga gub-on ang ilang tulay para dili kini makahatag ug pag bara sa tubig.
Butyag pa ni Engr. Jose Saguin sa city Engineers office nga ang taga Water Ways Task Force ang mipahigayon ug pagpanglimpyo sa maong kanal aron dili na mga sangit ang sagbot kung adunay pag baha.
Butyag sa ilang kauban sa buhat nga ang chairman niini mao man si mayor Dexter Uy.
Kahinumduman nga gipakigkitaan kini sa mga residente si mayor Uy aron ipaabot ang ilang mga mulo apan wala matod pa kini sila gi atubang sa atong mayor.
Lakip usab nga gipakuha ang mga ginabas nga kahoy gibutang sa kilid sa dalan kay maka balda matod pa kini sa dagan sa trapiko ilabi na nga hapit na usab mo agi ang mga dagko nga bus, gikan sa brgy. sta. Isabel lahos sa by pass road dinhi sa brgy. Turno.
Hinuon gipasalig man kini sa taga city engineers office nga buhatan sila ug tulay nga ilang maagian i ubay lamang kini sa kanal.
Dugang pa sa taga City Engineers office dinhi sa atong dakbayan nga igo lamang sila misunod sa mando sa ilang labaw hinungdan nga ila usab kining gihimo.
