City government, iga-apelar sa national IATF nga batakon sa Modified Enhanced Community Quarantine ang status sang Roxas City

29

Roxas City – Iga-apelar sang city government sa national IATF nga batakon padulong sa Modified Enhanced Community Quarantine(MECQ) ang status sang Roxas City.

Ini matapos ang ginpatigayon nga pagsinapol kaupod ang mga opisyal sang syudad kaupod ang iban nga sektor kaparehu sang Capiz Medical Society, City Health Office(CHO) mga barangay kapitan, grupo sang mga negosyante, representante sang nagkatuhay nga private hospitals kag Philippine Nurses Association – Capiz Chapter, kag iban pa agud hinalaan ang istado sang CoVid-19 sa syudad kag iplastar ang mga masunod nga himuon agud matapna ang pagtaas sang aton kaso.
Basi sa report sang CoVid-19 Command Center, pahayag sang Capiz Medical Society kag FASSSTER Projection yara sa moderate level ang pagsaka sang kaso kag kinahanglan naton magpatuman sang dugang kag istrikto nga implementasyon sang mga polisiya agud malikawan ang paglala sang sitwasyon partikular na ang pag-collapse sang aton health care system.


Gintumod sang alkalde amo ang makaalarma na nga pagsaka sang nababalhag nga kaso sang COVID-19 sa Roxas City kada adlaw.

Nagalaum ang alkalde nga kun mapatuman ang mas strikto nga nga restriction sa idalom sang MECQ, maganubo ang marekord nga kaso sang impeksyon.
photo(c) – Upod Kita Ronnie Dadivas FB Page
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments