ILOILO City – Bilang pagkilala sa parte sang Iloilo freedom grandstand sa maragtas sang syudad sang Iloilo, diri magaconduct sang flag cemremony ang city government subong nga aga.
Nagpaggwa sang memorandum circular no. 01 si City Administrator Atty. Hernando Galvez nga nagamando sa tanan nga empliyado sang syudad nga magreport sa freedom grandstand subong nga aga para sa flag ceremony alas 8:00 sang aga.
Natalana nga nga idemolish ang ang freedom grandstand agud maghatag sang lugar sa pagatukuron nga Sunburts Park nga orihinal nga nagatindog sa pwesto subong sang istruktora.
Ang relocation sang freedom grandstand magahatag sang espasyo para sa public park nga may mga amenities kaangay sang kalan-an, outdoor recreation kag iban pa nga nagapromote sang ikaayong lawas.
May pondo ang construction sang Sunburts Park nga P19 million samtang P50 million naman ang proposed budget sang construction sang freedom grandstand sa Muelley Loney.
