ILOILO CITY – Magapatigayon ang city government sang reclassification sang mga dalan sa siyudad agud labi nga mangin epektibo ang pagpatuman sang speed limit ordinance nga nagapabilin karon nga suspendido.
Kasunod ini sang suhestiyon sang pila ka mga organisasyon lakip na sang isa ka non-government organization nga “Imaginelaw” nga ginabug-usan sang mga abogado gikan sa Manila nga dapat matumod kag maclassify anay ang mga dalan antis ipatuman ang speed limit.
Ginpahayag ni Iloilo City Public Safety and Transportation Management Office Head Jeck Conlu, iya na nga ginpalab-ot kay Councilor Joshua Alim ang isyu kon sa diin bukas naman ang konsehal angot diri.
Paga- umpisahan na sa masunod nga tuig ang paghiwat sang dugang nga pagtuon sa tanan nga mga dalanon sa siyudad para matumod kun pila ang nagakaangay nga speed limit sa tagsa ka lugar.
Apisar sang pagsuspender sang speed limit ordinance, nagapadayon sa karon ang information dissemination sang city government sa mga motorista natuhoy sa nasambit nga ordinansa.
