ILOILO City – Nagahingyo na sang bulig sa Department of Social Welfare and Development (*DSWD*) ang city government agud mahatagan sang solusyon ang mga badjao sa syudad sang Iloilo.
Suno kay Mr. Jeck Conlu head sang Public Safety and Transportation Management Office (PSTMO), nagabalik-balik lamang ang mga badjao nga ila na una nga narescue.
Pamatuod diri ang mga badjao nga ginpatabok sa bacolod sang nagligad nga semana, halos 50 sa ila ang nakita naman nga nagalibot-libot kag nagapakilimos sa mga dalanon sang syudad.
Pahayag ni Conlu indi man mapunggan ang mga badjao kun magbyahe sila pakadto sa syudad.
Gusto ni Conlu nga magbulig na ang national government paagi sa DSWD bangud nabudlayan ang LGU nga matrace ang ginhalinan sang mga badjao.
Photo via Jeck Conlu/ PSTMO
