ILOILO City – Nagpain ang city government sang masobra sa tunga sa million nga pondo para sa pagpatuman sang Special Program for Employment of Students (SPES) subong nga tuig.
Suno kay peso head Maria Elena Benitez ang programa para sa mga imol nga pamilya sa syudad ilabi na ang mga nagaeskwela agud maggamit nila ang ila sweldo sa masunod nga school year.
Sa karon ginapaidalum na sa screening sang PESO ang mga aplikante.
Ang makapasar magapaidalum sa orientation sa Abrill 11 kag magasugod na sang trabaho sa Abril 16.
Magatrabaho ang mga mapilian sang 20 ka adlaw nga may sweldo nga P323 kada adlaw nga amo ang minimum wage sa Western Visayas.
60% sa ila sweldo bayaran sang syudad samtang 40% ang magagikan sa DOLE.
Photo via Iloilo City Government
