Syudad sang Iloilo-Magahiwat ang syudad sang Iloilo sang pinakauna nga Mobile Legend Tournament.
Himuon nga inter-district ang comptetition subong nga bulan sang Marso.
Nagbisita sa opisina ni Mayor Jose Espinosa III sanday Vanessa Jade Pastrana kag Arnel De Juan Mobile Legend Iloilo Official agud ipresentar ang ila proposal.
Ang Mobile Legends: Bang Bang (ML) isa sa pinaka -in nga mobile game subong gani gusto sang syudad nga makahiwat sang tournament para sa mga mahiligh sini nga hampang.
Suportado naman ni Espinosa ini nga plano bangud isa ini sa pamaagi sa pagdevelop sang teamwork kag sportsmanship sa mga kabataan paagi sa multiplayer mobile game.
Isa man ini ka pamaagi nga malikaw sa mga malain nga bisyo kaangay sang ilegal nga droga ang mga kabataan.
ang detalye sang torneyo ipahibalo lamang paagi sa opisina ni Mr. Jason Gregorio sang Local Youth and Development Office (LYDO)
“NO TO DRUGS, YES TO E-SPORTS!”
(c) Iloilo City Government
