Davao City – Gipa-imbestigahan na ni Davao City Mayor Sara Duterte-Carpio ang mga personahe sa City Government of Davao batok sa iligal nga droga.
Kini human nga nadakpan sa buybust operation ang duha ka mga local government employees sa syudad sa milabay nga bulan tungod sa iligal nga droga.
“For the past month duna tay duha kabuok (government employees) nga nadakpan sa buy bust operations. Gi-refer nato sa atoang Davao City Police Office nga palawmon ang ilang investigation sa sulod sa City Government of Davao,” butyag ni Mayor Sara.
Matud ni Mayor Sara nga gipakusgan ang drug-free workplace program sa lokal nga panggamhanan ilawom sa City Anti-Drug Abuse Council (CADAC) diin nagapahigayon og random drug testing sa mga opisina aron ma-check kung adunay mga employees nga mag positibo sa droga.
Nagpahimangno ang Alkalde nga mag-atubang og silot ang mag magpositibo sa droga diin gilayong ma-dismiss ang job order o contract of service samtang ang Human Resource Management Office (HRMO) ang mo-aksyon sa malambigit nga adunay permanent position.
RadyoMaN Kirby Manzon
