SYUDAD sang Iloilo – Nagapanugyan ang City Health Office sa publiko nga maghalong sa sakit nga dengue sa panahon sang tig-ilinit.
Suno kay City Health Officer Dr. Bernard Caspe, bisan mainit ang panahon, indi madula ang sakit nga dengue.
Ini bangud nga naga-stock sang tubig ang mga pumuluyo nga kun wala natabunan sang maayo mahimo nga muaran sang lamok nga nagadala sang sakit nga dengue.
Ginpahayag pa ni Caspe nga mas madasig ang pagmature sang lamok kun mainit ang panahon kag mas labi ini nga makatalagam.
Base sa data sang City Health Office sa January to February period may 250 ka na ka dengue cases sa syudad kalakip na ang tatlo ka patay.
Ini nga numero 495% nga mataas sa 42 lang ka dengue cases sa amo man nga period sang nagligad nga tuig.//via Joel Franco reports
Photo from web
