Davao City – Gipasabot karon sa City Health Office (CHO) kung unsa ka importante nga mahimong fully vaccinated batok sa Coronavirus Disease 2019 (COVID-19), human sa mga reports nga adunay mga indibidwal nga dili humanon ang second dose sa bakuna tungod sa kahadlok gumikan sa mga fake news nga nikatag sa social media labot sa long-term nga epekto sa bakuna.
Matud ni Dr. Ashley Lopez, Acting Head sa CHO (sa interbyu sa city-owned radio), kinahanglan nga magpabakuna sa second dose aron nga ma-maximize ang ka-epektibo sa bakuna aron mabatukan ang COVID-19.
“Kinahanglan nato madawat ang second dose to maximize ang efficacy sa bakuna, para ma-maximize ang imong immunity. Kung dili ninyo na makuha ang second dose, tunga lang ang benepisyo nga inyong madawat bahin aning mga bakuna,” sulti ni Lopez.
Gidugang sa health official nga dili usab angay mahadlok ang publiko tungod kay gamay lamang usab ang adverse effects nga posibleng masinatian sa second dose kung itandi sa first dose tungod kay naka-develop na ang lawas sa tawo og immunity batok sa virus.
“If you have received the first dose, much more you have to receive the second dose because there is going to be less effect, less reaction for the second dose kasi naga-develop na man ka’g immunity ana somehow sa first dose,” pagpasabot ni Lopez.
RadyoMaN Kirby Manzon
