*Bacolod City* – Libre ukon wala sang bayad ang bakuna sa mga nakagat sang ido nga posibli nagadala sang rabies.
Suno sa Bacolod City Health Office (CHO) Animal Bite Treatment Center may ginpain nga budget ang syudad para naman sa pagbakal sang amu nga vaccine.
Sa record sang Department of Health (DOH) ang bulan sang Marso kag Abril amu ang may pinakadamo nga biktima sang rabies.
Sa sini nga tuig, ang DOH ang may tema, *“Rabis Iwasan, Pag Nakagat, Magpabakuna.”*
Amu man ini ang nagtulod sa CHO nga magpatigayon sang serye sang lectures sa mga estudyante, manunudlo kag mga ginikanan sa nagkalain lain nga buluthuan kag kabarangayan sa syudad.
Ang lectures ang may katuyuan nga ipahibalo sa mga tag-iya sang ido nga mangin responsabli para malikawan nga mangin biktima sang rabies. /dyHB-Bacolod
