City health office nagpahanomdom sa husto nga paghanda sang pagkaon subong nga paskwa

ILOILO CITY – Nagpanugyan si City Health Officer Dr. Bernard Caspe nga mangin mahinalungon sa paghanda sang pagkaon.

Indi dapat magdugay ang pagkaon sa ibabaw sang lamesa bangud possible ini nga magpan-os.

Pahayag ni Caspe dapat maghanda lamang sang pagkaon nga husto maubos sang pamilya.

Ginpaathag man sini nga indi mahibaluan kun bala pan-os na ang pagkaon sa baho lamang sini.

Importante nga mabutang sa refrigerator ang pagkaon kag initon antes kaunon ang mga left overs, dugang pa ni Caspe.

Una diri nagpanugyan man si Caspe sa publiko nga magkaon lamang sang nagakaigo kag likawan ang mga maalat, matam-is kag mantikaon nga mga pagkaon.