Gipaklaro ni City Health Officer Dr. Cherlina Cañaveral nga wala direktang naka contact ngadto sa mga bata ang bag-ong nagpositibo sa COVID 19 sa dakbayan sa Iligan kun asa District Nurse Supervisor kini sa City Health Office.
Kini tungod, subay sa trabaho sa giilang si IC58, unom ka barangay ang gihuptan niini sa pagpahigayon nila ug pangbakuna sa polio ngadto sa kabaranggayan.
Gipasabot ni Cañaveral nga dili siya mismo ang mihimo sa pagpatak kun diin ang mga midwifes ang uban niya ang mihimo niini gikan sa mga barangay sama sa Villaverde, Palao, Ubaldo Laya, Poblacion, Mahayahay ug Pugaan.
Matud ni Cañaveral, bisan ga-uban si IC58 sa paghatag ug bakuna sa mga bata, igo lamang kini nag-supervise ug iyang mga kauban na ang mihimo sa pagpatak ug polio ngadto sa mga bata.
