El hefe del Housing Management Division Jawo Jimenez ya promete que imbestiga con el mga reports aserca el vendida del cuantos mga housing units na Z3R.
Si Jimenez ya habla cay bajo na ley,no pwede vende con el mga housing units que ya ofrece canila para esta el govierno desfues estos queda victima del consequencia de guerra del año 2013.
Chene pena bajo na ley y hay esta blacklisted el quien beneficiaryo que hay fuede identifica y dale prueva que verdad ya anda sila vende o manda arquela co el mga housing units que ya man award canila el govierno.
Hay imbestiga tambien el oficina de Jimenez con el alegao asunto de pronto para fuede dale pena con el mga quien ta viola con el mandato del govierno. – Bhong Simbajon/RMN News
Facebook Comments
