Dako ang pasalamat ni City Mayor Oscar Moreno sa dxCC-RMN Cagayan de Oro tungod sa mga gipahigayon nga programa sa matag barangay ning syudad.
Matud ni Mayor Moreno nga dili sayun ang pagpahigayon niini ilabi na ang pag-sustain sa matag semana nga paghatag og libreng serbisyo ngadto sa katawhan.
Dugang pa ni Mayor Moreno nga sa sinugdanan iya ng nakita ang tumong sa dxCC nga mao ang pagduol sa katawhan aron mapaabot ug madunggan kung unsay mga gusto niini.
Giangkon usab ni Mayor Moreno nga sa sinugdanan mibati siya og kabalaka ilabi na kung hisgutan ang pagsustenir sa programa ug serbisyo sa syudad, apan iyang nakita nga maayo ang lakaw niini.
Ang gihimo sa dxCC-RMN dili sama sa naandan sa broadcasting nga gikan sa studio, ibalita, ipadangat sa katawhan apan karon gikan sa katawhan, ibalita, ipadangat sa tibuok katawhan.
