Roxas City, Capiz- Nagpabutyag subong sang ila hibubun-ot ang pila ka mga residente nga malapit sa ginsarado nga dumpsite sa Brgy Sibaguan.
Matapos ang masobra isa ka tuig nga closure, aminado ang pila ka mga persona nga apektado ang ila pangabuhian bangud nagadepende lamang ang mga ini sa pagpang-scrap sa amo nga dumpsite.
Madumdoman nga sang nakaligad nga adlaw, personal nga ginbisita ni City Mayor Ronnie Dadivas ang nasambitan nga lugar agud nga kumustahon ang mga residente kag kasubong man inspeksyunon kun ayhan nasunod ang nagakaigo nga proseso sa pagpasara sa nasambitan nga open dumpsite.
May kaangut sini ginhenyo naman sang pila ka mga residente nga kuntani mahatagan sang gobyerno sang syudad sang dugang ukon alternatibo nga pangabuhian ang mga ini.
Mahibaluan nga sa pagpang-scrap lamang ang iban sang mga ini nagasalig para sa adlaw-adlaw nila nga kinahanglanon.
