Gipahugtan pa pag-ayo sa Roads and Traffic Administration kon RTA ang pagpangdakop sa mga SUV’s kon mga sakyanan nga nakaparada sa no parking area ning syudad sa Cagayan de Oro.
Gi-isyuhan ug gipangpikitan sa usa ka RTA traffic enforcer ug unattended tickets kining mga sakyanan nga tataw kaayong nakaparada sa no parking area alayon sa pagpatuman sa City Ordinance No. 10551 series of 2001 kon mas nailhan sa Anti-illegal parking.
Gibutyag ni Engr. Nonito Oclarit, head sa Roads and Traffic Administration ning syudad nga kinahanglan matud pang i-settle sa driver ang maong unattended tickets sa buhatan ni-ini. Didto sutaon kung naay rason kung kinahanglan bang i-discard ang maong pag-isyu sa unattended ticket. Didto gihapon mahibaw-an ang mga rason ug kinahanglan ba nga mag-isyu ug citation tickets.
Kung magmagahi ang na-isyuhan sa unattended tickets nga moadto sa buhatan sa RTA pwede kining ma-alarm ngadto sa buhatan sa LTO kon land Transportation Office.
Ang citation tickets kinahanglan mabayaran ang multa nga mil kinyentos pesos ni-ini ngadto sa City Treasurer’s Office sa City Hall.
