ILOILO City – May pulo ka minors nga nagaedad sang 14 anyos nga kabahin sang statistics sang teenage pregnancies sang syudad sang Iloilo.
Suno kay Mary Ann Ramos, head sang City Population Office (CPO) ini ang ila record base sa natipon nga data sang ila mag barangay service point officers kag volunteers sa mga kabarangayan.
Subong man nagapasalamat si Ramos nga nagnubo ang numero sang mga nagbusong nga kabataan sang 2017.
Ginapakita sang data nga sang 2015, nakarecord ang CPO sang 2,266 cases; 1,753 sang 2016 kag 1,327 cases sang 2017.
Ginapakita sini nga nagapanubo na ang trend sang teenage pregnancy sa syudad.
Ginpahayag ni Ramos nga dako nga bagay diri ang pila mga programa kaangay sang usapang sessions for adolescents kag ang pagpain sang adlaw nga Byernes para sa mga minors nga makapakunsulta sa mga health centers angut sa ila sexual kag iban pa nga health issues.
Sa ghihapon ginakilala ni Ramos ang dako nga papel sang ginikanan agud maubayan ang ila nga kabataan sa pag-usoy sang husto kag tadlong nga banas.
