Davao City – Padayon karon ang ginahimong koordinasyon sa Davao City Tourism Operations Office (DCTOO) sa mga local tourism industry sa pag set og guidelines oras nga paluagan ang quarantine status sa syudad sa Davao.
Gibutyag ni City Tourism Head Generose Tecson, sa interbyu sa city-owned radio, nga ilaha nang gipangandaman ugaling i-lift na ang General Community Quarantine (GCQ) sa dakbayan.
Naglaum ang City Tourism nga ang hinay-hinay nga pag abri sa mga tourism-related business makatabang sa pagrekober sa turismo gikan sa epekto sa krisis hatud sa COVID-19 pandemic.
“Let us all cooperate para tuloy-tuloy na po itong pag-vanish nitong ating COVID-19 cases and will be slowly open up and have business come back into the city,” segun ni Tecson.
Ginaplastar pa usab karon matud sa opisyal, ang travel guidelines ug requirements uban ang Davao Inter-Agency Task Force on COVID-19 human sa pag anunsyo sa national government sa bag-ong local travel protocols.
RadyoMaN Kirby Manzon
