City Veterinarian May Awhag sa mga Mag-uuma

56

Tagpadumduman kuman bag-o ni Dr. Alan Quines, City Veterinarian an mga mag -uuma sa pagbaton gajud nan sakto na pag amoma sa ila mga kahayupan labina an ila kaabag o partner sa ila umahan pareho nan kabaw o carabao. Ini human nadisgrasya patay an isa ka mag -uuma sa Brgy. Serna nan jadton milabay na Martes sa buntag tungod sa pagsungag sa nagwala o nagwild na kabaw. Tagpaklaro ni Dr. Quines na jauy gajud mga kabaw na manungag labina kon ini dili kon native o bisaya na kabaw. An mga upgraded na klase sa mga kabaw o gipaagi sa pagsemilya o artificial insemination amuy sagad gajud na mangataki o magwild ,sumaya pa ni Quines. Dugang pa na an breeding sa tagtawag na Murrah Buffalo na kabaw mga maisog gajud sanan nakit-an na manungag. Tagpahinumduman na lamang ni Quines an mga mag uuma na gawas sa marajaw na pagtratar sa mga kabaw pareho sa dili pagpasakit niini, kinahanglan isab na ini papahuwayon nan sakto og dili pasobrahan an pagpatrabaho kay pareha nan tawo , sila isab bation nan kakapoy labina kon init o paso an panahon. An kapaso sa panahon isab , sumaya pa isa ka “factor” na nakaamot sa batasan nan mga hayop kuman pareha sa kabaw na dili ganahan nan sobra kainit o kapaso. Dugang pa ni Dr. Quines na kon makit-an o mapanid-an sa mga mag uuma na jauy batasan na manungag an ila ila kabaw mas marajaw na ila na lamang ini ibaligya og ihawon para malikayan an disgrasya.

Facebook Comments