Gi-relieve ni Mayor Oscar Moreno sa iyang katungdanan si City Veterinary Officer Dr. Perla Asis.
Kini pinaagi sa Memorandum Number 1092-19 ni Mayor Moreno nga pinitsahan niadtong September 17.
Basi usab sa iyang lain pang Memorandum number 1093-19, nga pinitsahan gihapon niadtong September 17, gitudlo ni Moreno si Dr. Lucien Anthony Acac, isip OIC City Veterinarian ning syudad isip puli ni Asis.
Sa iyang pagka relieve, si Asis gitudlo ni Moreno nga maoy maghimog mga strategy alang sa pagpa-upgrade sa City Slaughterhouse sa Barangay Cugman.
Lakip sa tahas ni Asis nga maghimo siyag action plan aron pagsiguro sa Compliance sa mga “lechoneros” sa Cagayan de Oro.
Gipasiguro usab sa Mayor ni Asis nga maghimo siyag mga paagi aron dili matakboyan sa sakit nga African Swine Fever kon ASF ang mga baboy nga gibuhi sa mga Backyard.
Matud ni Moreno nga iyang gi-relieve sa puwesto si Asis kay wala siya malipay ug disappointed siya sa pagdumala ni Asis sa City Vet taliwala sa Controversial Issue sa ASF.
Gibutyag sa Mayor nga iyang gitahasan si Dr. Acac nga i-convene ang usa ka task force sa City hall aron maoy mo-address nga mapugngan ang ASF nga dili makasulod sa Cagayan de Oro.
