Davao City – Himuon karong semanaha ang pinaka-unang City-Wide Culture of Security Community Exercise.
Giawhag ni Public Safety and Security Command Center (PSSCC) Chief Angel Sumagaysay ang publiko nga mamahimong kabahin niini.
Matud ni Sumagaysay, kini usab ang pinakaunang higayon nga nakatutok sa mga response sa tawo ang aktibidad.
Sukdon sa atol sa Culture of Security Community Exercise ang kooperasyon sa mga Dabawenyos ngadto sa mga awtoridad ug pagreport sa mga presensya sa mga kunuhay mga terorista nga ipakatag.
Atol sa exercise 25 ka mga actors ang mag-disguise nga mga terorista ang i-deploy sa mga nagkadaiyang lokasyon sa syudad, (5 churches, 5 hotels/inns, 5 restaurants, 5 malls ug 5 government establishments).
Kinahanglang i-report ang mga suspisyusong indibidwal base sa specific descriptions nga inunsyo sa sa PSSCC, Davao City Disaster Radio ug mga local media outlets.
Inig makita sa lugar i-report gilayon kini sa mga Hotline Numbers sa TFD Smart: 0999 227 1111, TFD Globe: 0917 131 4333, DCPO Globe: 0916 659 2576, o sa 911 ug sa higayong na-report na kini gibutyag ni Sumagaysay nga makonsidera na kining neutralized.
RadyoMaN Aimee Guinita
