City-wide lockdown gipaboran, ayuda kinahanglan

Davao City – Nagtuo ang usa ka kapitan sa Barangay ning syudad sa Davao nga makatabang ang rekomendasyon nga 2 weeks city-wide lockdown sa tumong nga makunhoran ang Coronavirus Disease 2019 (COVID-19) transmission.

Sa interbyu sa DXDC RMN Davao kang Barangay 31-D Captain Joel Landero, gibutyag niini nga dako kini og ikatabang isip epektibong COVID-19 response apan kinahanglan nga ikonsidera ang ayuda nga ihatag sa mga apektadong indibidwal.

“Komento nako, sa duha ka semana nga lockdown, unsaon pag provide sa pagkaon sa mga tao ana. Kinsa na poy mag gasto ana. Ang doktor miingon na gyud nga i city-wide lockdown ang problema ana karon, asa ‘ta og pagkaon?,” matud ni Landero.


Samtang, daghang mga Davaoeños ang wala mipabor sa city-wide lockdown diin mas maayo’ng tutokan ang mga critical areas sa COVID-19 cases.

Gi-kwestyon usab sa pipila kung unsay gamit sa curfew, QR (Quick Response) Code ug Food and Medicine (FM) pass, kung magbaton man lang og lockdown sa entero dakbayan.

RadyoMaN Kirby Manzon

Facebook Comments