*CIUDAD DEVE ACORDA EL LECCION DE GUERRA DEL 2013*
*BHONG SIMBAJON*
Yah ace acorda el un consejal del ciudad de Zamboanga con el public que no debe olvida el cosa ya socede Guerra aqui na ciudad, sin embargo, hace coneste como basejan para adelanta y sirvi como leccion el experiencia que ya pasa.
Este el mga palabra del consejal de Destrito Dos Mike Alavar amediante el presente situaccion del fueblo que donde nuay pa asegun este totalmente fuede levanta y bira na normal vida el mga vivientes concierne.
Base na records del RMN Zamboanga, si Alavar amo el primer official del fueblo que ya responde na lugar del insidente y ya transporta con monton del mga ta evacua vivientes na Sta. Barbara, Mariki y Rio Hondo usando el su mga personal vehiculo y del su mga familia.
Ya fuede tambien si Alavar queda instrument para transporta con el mas o menos saiz sientos mga pasyente del Zamboanga City Medical Center para na makeshift hospital local na Western Mindanao State University (WMSU).
Si Alavar ya abla cay cumbiene queda leccion y rason para abri ojos el govierno local por el anticipaccion y preparaccion hinde lang na natural, sin embargo, inclujido ya na mga man-made calamities como el cosa ya socede del 2013. – *Bhong Simbajon/RMN News*
