Davao City – Epektibo ugmang adlawa, Pebrero 2, ipatuman na sa Philippine Statistics Authority kun PSA ang bag-ong bayranan sa pagkuha og civil registry documents sa ilang buhatan.
Kini ang gikumpirma sa PSA XI atol sa interview sa DXDC RMN Davao.
Matud pa, musaka ang bayranan sa sa birth certificates, cenomar ug uban pang papeles gumikan sa dungag buhis ilawum sa Tax Teform for Acceleration and Inclusion (TRAIN).
Musaka ngadto sa 30 pesos ang documentary stamp tax sa revenue regulation sa Bureau of Internal Revenue (BIR) gikan sa 15 pesos.
Ang documentary stamp tax usa sa mga ginabayaran pag mukuha og birth, marriage, death certificate, certificate of no marriage o “cenomar.”
Ugmang adlawa ipatuman ang 155 pesos per copy sa pagkuha og birth, marriage, death ug authentication samtang 210 pesos ang per copt sa certificate of marriage or no marriage.
Giklaro nga di pa ma-apply ang bag-ong fees nga gi-request before February 2 sa apan ugma ug sa musunod pa nga mga adlaw, ipatuman na ang bag-ong bayranan.
RadyoMaN Renz Barbarona
