Malampuson nga napahigayon kagahapon ang eksaminasyon sa Civil service Commision nga kung diin Adunay 5, 066 ka indibidwal ang mikuha sa Career Service Professional and Sub-Professional Examination- Pen and Paper Test.
Sayo nga mi adto sa ilang tagsa-tagsa ka mga room assignment ang mikuha sa maong pasulit aron sa ingon nga ma preparar ang mga kinahanglanon atol sa maong pasulit.
Una nang gikabutyag ni Atty. Mayormita nga adunay upat ka testing center dinhi sa dakbayan. Kini mao ang Zamboanga del Norte National High School Main Campus ug Annex, Saint Vincent’s College ug Jose Rizal Memorial State University-Dipolog Campus.
Ang Civil Service Eligibilty maoy rekisitos aron makakuha ka ug permanenteng posisyon sa gobyerno panahon nga ikaw mangempleyo.
Sa pinakaulahing Civil Service Examination kaniadtong Marso niining tuiga, dinhi sa rehiyon 9, moabot lang 12% ang nakapasar niini.
Human sa maong pasulit, maghulat lamang sa 60 diyas ang mikuha sa maong exam aron masayran kun nakapasar ba o wala,lauman karong ikatulong semana sa oktubre masayran na ang mga palaran nga nakapasara sa Civil service exam.
