Nakadawat og sais mil pesos nga emergency cash assistance ubos sa Social Amelioration Program kon SAP sa national government, ang mga residente nga anaa sa wait listed gikan sa siyam ka barangays nga anaa sa geographically Isolated and disadvantaged areas sa Claveria, Misamis Oriental.
Sa tabang sa mga sundalo sa 58th Infantry Battalion Philippine Army, mga kapolisan ug local nga opisyales nasiguro nga nahatag og maayo ug napabilin ang social distancing ug uban pang health protocols sa sulod sa duha ka pay out venues nga mao ang Municipal covered court Poblacion ug Barangay Covered court sa Barangay Minalwang.
Gihatud usab sa pay out teams ang ayuda sa mga Higaunon sa pinakasuok nga sitio sa Pagawa, Barangay Minalwang, kinsa naglisod nga makatugbong sa barangay proper.
