Gipahigayon sa kapulisan sa Misamis Oriental Provincial Police Office o PPO sa pagpanguna ni Provincial Director, Police Sr. Supt. Rolando Destura ang clean-up drive sa ilang palibot mga alas tres sa hapon kagahapong adlawa.
Gawas sa kapulisan, mitabang usab sa pagpanghinlo ang mga residente nga nagpuyo duol sa kampo.
Matud ni Police Sr. Insp. Arlyne Ranario, Public Information Officer sa Misamis Oriental PPO nga ang kalihukan gihimo alayon sa Municipal Ordinance sa Villanueva, Misamis Oriental nga nagdili sa paggamit sa plastic bags ug nagsubay sa waste management program diin ginalain ang malata ug dili malata.
Alayon niini, gidayeg ni Destura ang mga personahe sa Misamis Oriental PPO nga nisuporta sa maong kalihukan nga subay usab sa PNP core values nga Makakalikasan o Environment-Friendly.
