Davao City – Gipaboran sa usa ka obispo sa usa ka Evangelical Church ang pagbaton og armas sa mga religious leaders isip taming sa ilang kaugalingon gikan sa magtinguha pagkutlo sa ilang kinabuhi.
Suma ni Brethren Evangelical School of Theology President Bishop Dr. Ariel Coleto nga mas maayo mag-armas ang mga lideres sa kasimbahanan aron makadepensa dayon panahon sa pit-os nga sitwasyon.
Dili na exempted ang mga religious leaders sa pamatay karon sama sa tulo ka pari nga gipamusil-patay sa wala hi-ilhing mga suspek busa rasonable lang magbaton og armas ang mga nag-alagad sa simbahan.
Gidasig ni Coleto ang mga religious leaders kinsa naglaraw sa pagbaton og armas nga magkuha og ‘Permit to Carry’ aron legal ang pagkupot og armas de fuego.
Gitambagan ni Coleto ang mga nag-alagad sa simbahan nga dili ipadaplin ang pagsalig sa Dios bisan tuod og adunay armas nga ika-depensa sa kaugalingon sanglit mas gamhanan ang Ginoo labaw sa bisan unsang matang sa hinagiban.
RadyoMaN Joel Viray
