Inaasahang matatapos na sa darating na Hunyo ang isinasagawang clinical trials sa Virgin Coconut Oil (VCO) para sa mga COVID-19 patients ng Philippine General Hospital at sa Valenzuela City.
Ito ang kinumpirma ni DOST-Philippine Council for Health Research and Development (PCHRD) Executive Director Dr. Jaime Montoya.
Paliwanag ni Montoya, makatutulong ang dumaraming COVID-19 cases ngayon sa pagpapalawak ng VCO trials.
Kasunod nito, posibleng pagdating ng Hunyo ay tapos na ang ginagawang pag-aaral sa mga datos.
Matatandaang sa mga huling pag-aaral ng DOST ay lumalabas na may potensiyal maging supplement ang VCO para maiwasan ang paglala ng kondisyon ng pasyenteng tinamaan ng COVID-19.
Facebook Comments
