KALIBO, AKLAN — Impounded makaron sa Altavas MPS rong sangka close van matapos nga ma inetcept it mga kapulisan kabii nga may kargang ginalon nga gasolina kabii sa Poblacion, Altavas, Aklan.
Suno kay SPO1 Desio it Altavas MPS nga na intercept dayang closed van sa check point kung joints element it Altavas PNP, Batan PNP, Balete PNP ag Aklan PPO matapos nga makabaton it impormasyon angot kara.
Karga it nasambit nga close van ro 340 ka mga plastic galoon it gasolina nga may kapin sa 6, 600 liters.
Ro nasambit nga close van hay ginapanag-iyahan ni Lucia Bermio it Dao, Capiz ag gina maneho ni Rebenio Pioquinto, 23-anyos ag may pahinante nga ginkilaea kay Lorenzo Bagalyon, 21-anyos tanan residente it Balucuan, Dao, Capiz.
Ro andang kargang gasolina hay iga deliver kunta sa Brgy. Caticlan, Malay.
Posible maga pangatubang it pagbayolar sa PD 1865 ukon Illegal Sale of Gasoline rong mga natungdan bangud uwa it naga kaigo nga permiso sa Department of Energy (DOE).
