Dili mosalmot ang Coalition of Lanao del Norte Utility Transport for Chang o CLUTCH sa ipahigayong Nationwide Transport Strike karong adlawa.
Matud ni CLUTCH Chairman Raul Permites nga sayop ang tumong sa ipahigayong transport strike sa pipila ka hugpong sa transportasyon labot sa pagpugong sa modernization program sa mga sakyanan sa nasud.
Kini tungod nakapanukad na ang gobyerno sa maong lakang ug posible na unya kining matuman sa umaabot nga katuigan una pa ang pagpugong sa hugpong sa transportasyon pinaagi sa pagpahigayon ug transport strikes.
Gibutyag ni Permites nga aduna na silay suporta karon sa gobyerno labot sa ipatumang modernization program hinungdan nga dili na sila mag-apil-apil pa sa ipahigayon nga transport strikes.
Facebook Comments
