Ikinatuwa ng Commission on Audit ang pagmamadali ng Department of Health sa pamamahagi ng mga nakaimbak na gamot, na malapit ng mapaso o mawalan ng bisa.
Ang hakbang kasi ng DOH ay tugon sa 2018 report ng Commission on Audit patungkol sa mga malapit na masirang gamot at sobra-sobrang imbak na nagkakahalaga ng Php 295.767 million noong January 31, 2019.
Matatandaan na una ng inihayag ng DOH na ipinamamahagi na ang nasabing mga overstock at malapit na ma-expired na gamot gaya ng stocks filariasis kits, CD4 cartridge kits, Tuberculin PPD at Japanese Encephalitis vaccines.
Ang natitirang metformin inventory na 133,500 units mula sa 988,800 units, ay ipamumudmod na sa Local Government Units, Centers for Health and Development (Regional Offices) at mga DOH hospitals para magamit ng mga pasyente sa Out Patient Departments hanggang katapusan nitong July 2019.
Ang mga stock ng micronutrient powder sachets na 84,100,140 units mula sa 157,060,620 units ay ipamimigay sa mga Pediatric Patients sa mga DOH Hospital, NGOs, mga ampunan gayundin sa Supplementary Feeding Program and Reception aStudy Centers for Children.
Rekomendasyon kasi ng COA sa 2018 report, na dapat puspusan ng asikasuhin ng DOH Team ang mga gamot na malapit ng ma expired upang maresolba ang isyu sa overstocking, distribution at pag-iimbakan.
