TACLOBAN CITY – Ginpapabalik han Commission On Audit (COA) an kwarta nga nagkakantidad hin P1.38 million nga gin gamit han lima nga officials han Eastern Visayas State University (EVSU) ha 16 ka-adlaw nga tour ha United States dida han tuig 2009.
Gin release han COA en banc dida han nakalabay nga lunes an resolution ngan waray karawta an motion for consideration han mga opiyales han EVSU.
Ginpapabalik an kwarta tikang kan EVSU President Dr. Dominador Aguirre Jr. (P314,040.38); Board of Regents chair Dr. Nona Ricafort (P131,432.40); board members Samuel Paete (P307,151.68) ngan lawyer Buenaventura Go-Soco (P307,151.68); ngan College of Engineering dean Engr. Danilo Pulma (P323,095.96).
Waray igtugot han COA nga an P1.75 million payment in para ha travel expenses han lima nga opisyales ngan hi anay EVSU President Dr. Catalino Beltran han ira tour ngan visit ha USA dida han May 9-25, 2009.
Umapela naman an lima nga opisyales hin notice of disallowance, “claiming the funds were devoted to good use and requiring them to repay the government “would wreck financial hardship.”
Siring nira, waray indikasyon nga an ira trip in irregular o kun illegal tungod nga mayada ini katugutan tikang kan Beltran.
Pero nagdig-on an COA nga hi Beltran in nagbayad na hin nagkakantidad P368,423.38 dida han April 2013 kasunod han retirement hini. Sanglit ginhuhulat nala an ahensya nga magbayad gihap hi Aguirre ngan 4 nga iba pa.
Sumala han COA, diri nira makakarawat an apela han mga EVSU officials tungod nga bayolasyon ini han “government rules for official foreign travels and for the utilization of the special trust funds of the university”.
Natuod an COA nga maaram hi Aguirre, Ricafort, Paete, Buenaventura, Go-Soco ngan Pulma han rules and regulations para han official travels kumo mga high-ranking officers han Unibersidad.
“Movants are occupying high-ranking positions in the university, and as such, they ought to know or are deemed to have knowledge of the existing rules and regulations pertaining to state universities and colleges. Their invocation of good faith is unavailing. Thus, they are required to refund the amounts incurred in their foreign travel,” the COA said.
Source: GMA News
