Davao City – Pipila pa lang ka mga lantsa ang nagpahigayon sa island hopping ug tourism activities sa area sa Davao-Samal.
Matud ni CDR Restituto Concio Jr., Station Commander, Coast Guard Station Davao tungod kay daghan pa ang wala naka-comply sa requirements sa Maritime Industry Authority (MARINA).
Gibutyag ni Concio, ang mga personahe sa Coast Guard ang nag-inspection sa mga papeles ug kinahanglang masunod ang minimum health protocol sulod sa mga banca.
“ We’re still awaiting for them to submit the necessary papers para maka-start na ang ibang mga banca,” sumala niini.
Ang mga Tour Operators kinahanglang sundon ang 50% seating ug operational capacity.
Gi-obliga ang mga pasaherong magsol-ob og face masks o face shields samtang nagsakay ug pag-maintain sa physical distancing sa usa ka metro ang mga passenger.
Matud ni Concio, regular ang ilang sea borne patrol ug adunay 24/7 nga mga personaheng nagbantay ug nag-inpeksyon sa mga pantalan aron sa pagsigurong walay maritime incident nga mahitabo.
RadyoMaN Aimee Guinita
