Davao City- Gipasalig sa Philippine Coast Guard (PCG) ang safety sa ni-surrender nga kanhi Medical Staff sa New People’s Army (NPA) nga si Ka Sydney.
Nitahan kini ngadto kang Coast Guard District Southeastern Mindanao Commander Commodore Allan Corpuz sa headquarters sa Sasa wharf ning syudad.
Matud ni Commodore Corpuz nga seguraduhon nilang luwas kini human nga nidesisyon nga mubalik sa sabakan sa gobyerno.
Si Ka Sydney anaa sulod sa kalihukan sulod sa unom ka tuig ug nagsilbi nga sa NPA sa lugar sa Monkayo, Davao de Oro ug Baganga Davao Oriental.
Gi-surrender niini ang iyahang sub-machine gun ug 38 caliber rifle.
Gisaysay sa kanhi rebelde ang iyahang naagiang kalisod, kagutom ug kahago sulod sa kalihukan nga layo ra matud kini sa gipasalig kaniya nga nga maayong kinabuhi sa NPA.
Gi-endorso sa Philippine Coast Guard si Ka Sydney ngadto sa Davao Oriental LGU aron ipailawom kini sa Enhanced Comprehensive Local Integration Program (E-CLIP) diin makadawat kini og benepisyo ug ayuda gikan sa gobyerno alang sa mga former rebels.
RadyoMaN Aimee Guinita
