Davao City- Gi-deploy na usab ang mga personahe sa Coast Guard District Southeastern Mindanao sa Inter-Agency Search and Rescue Operations at Zone 1, Masara, Maco, Davao de Oro.
Nitabang ang Coast Guard Working Dog nga si Appa sa pagsalbar ug pagpangita sa mga biktimang natabunan sa landslide.
Kagahapon, Pebrero 8,2024 alas-11:10sa buntag natultulan ni Appa ang usa ka cadaver sa ground zero.
Sa pagkalot sa backhoe sa area nakuha ang usa ka bukton sa wala pa mailang biktima.
Alas-2:51 sa hapon laing cadaver ang nakita sa K9 nga si Appa ug sa SAR team kun ika-11 nga patayng lawas.
Sa MDRRMO Maco Update February 8, 2024, 4:00PM, 11 na ka mga patayng lawas na-recover, 31 ang injured ug 110 persons ang reported nga missing.
RadyoMaN Aimee Guinita
Facebook Comments
