El Zamboanga City Coast Guard Station ya cancela con el viaje del mga barko y lantsa que ta viaja na mga isla este tarde porcausa con el bien fuerte aguasero y viento.
Asegun con el hefe del Zamboanga City Coast Guatd Lt.Commander Alvin Dagalea,presentente.grande-grande tambien el marijada rason para cancela con el mga viaje imedietamente.
Si Dagalea ya abla cay cancelao este tiempo el mga viaje desdel Ciudad de Zamboanga para Isabela como el: M/V Weesam Express 2; M/V Prince Khalil; y el M/V Stephanie Marie 2.
Cancelao tambien el viaje desdel Zamboanga para Jolo del M/V Mama Mia luego denoche.
Nuay pa dale abiso el ahensya si hasta qui hora o hasta cuando sila retene el cancellaccion del mga viaje.
Si Dagalea ya pidi despensasyon con el mga pasajero que ya man stranded este tiempo na ciudad porcausa cay diila tambien aseguramiento esta lejos na peligro amo el prioridad del Coast Guard. -Bhong Simbajon/RMN News
