Davao City – Nag abiso na karong hapon ang City Disaster Risk Reduction Management Council kun CDRRMC ngadto sa mga residenteng anaa duol sa coastal areas.
Sa pakighinabi sa DXDC RMN Davao sa CDRRMC, alas 4 karong hapon nagpagula sila og pahimangno nga mamahimong mubakwit ang mga residenteng maapektuhan sa high tide karong gabii dala sa hanging habagat nga nakaapekto sa nasud.
Kahinumduman nga adunay mga balay nga naguba sa Brgy 76-A ning syudad tungod sa paghapak sa kusog nga balud lakip usab naapektuhan ang mga residente sa Matina Aplaya ug Brgy. Lapu-lapu, Agdao.
Hinungdan nga hugot gipasidan-an sa CDRRMC ang anaa duol sa kadagatan nga mubakwit na aron dili mabutang sa alanganin ang mga kinabuhi.
Padayon usab ang ilang pag monitor sa mga areas ug pakig koordinar sa mga Barangay.
RadyoMaN Renz Barbarona
