Davao City – Gikatakdang apod-aporan og libreng face mask ang mga barangay sa syudad sa Davao nga bulnerable sa Coronavirus Disease 2019 (COVID-19) transmission labi na kadto’ng nahimutang sa coastal areas sa syudad.
Matud ni Davao City Mayor Sara Duterte-Carpio nga manghatag og face mask ang otoridad sa mga residente nga anaa sa suok nga mga barangay.
“Naistoryhan sa Davao TF COVID-19, maghatag ‘ta og mask sa atong team leaders para ipanghatag sa mga barangay, especially mga barangay na low ang compliance sa looban like sa atong mga coastal barangay. Gikan Bucana padulong Agdao. Kana ang atong target sa atong info dissemination sa atong health protocols sa COVID-19,” saysay sa Mayor.
Gibutyag usab ni Mayor Sara nga aduna usay mga indibidwal nga misaad nga muhatag og libre’ng face mask ug face shield alang sa mga indibidwal sa kadalanan diin tabangan usab sa Task Force Davao, Davao City Police Office (DCPO) ug City Transport and Traffic Management Office (CTTMO) ang distribusyon niini.
Samtang, padayon usab ang information campaign sa lokal nga gobyerno pinaagi sa mga anunsyo unsaon paglikay sa COVID-19 virus pinaagi sa mga rekorida.
RadyoMaN Kirby Manzon
