Bacolod City – Nagpasar sang isa ka resolution ang Sangguniang Panlalawigan sang Negros Occidental sa pagpanguna ni Vice-Governor Eugenio Jose Lacson nga nagadumili ukon naga prohibit sa tanan nga produkto sang Coca-Cola Bottling Company nga makasulod sa Panaad sa Negros Festival sa Abril 22-30. 2017.
Ini nga resolution ang gin-author ni Board Member Miguel Alonzo kag ginsponsor sang tanan nga mga board members nga present sa session kahapon.
Si Gov. Alfredo Marañon Jr. ang hugot nga nagapamatuk sa pag-gamit sang amo nga bottling company sang HFCS.
Nag-ugat ang pagdumili sa mga produkto sang amo nga softdrink company sa Panaad Festival bangud sa pag gamit sini sang High Fructose Corn Syrup (HFCS) sa ila produkto imbes sang kalamay.
Sa iya bahin, ginpahayag ni Vice Gov. Eugenio Lacson nga indi na nila kinahanglan imbitahon ang management sang Coke kundi ang importante, may matabo nga dialogue sa tunga sang kompaniya kag sang mga lideres sang sugar industry sa Negros.
Suno kay United Sugar Producers Federation of the PhilippinesUnited Sugar Producers Federation of the Philippines (UNIFED) President Manuel Lamata, 90% sang patam-is sang Coca-Cola ang HFCS samtang 10% gid lamang ang kalamay baliskad sa ginhilisugtan sang nagligad nga mga tinuig nga magabakal sang lokal nga kalamay ang kompaniya. /dyHB BACOLOD
