Davao City – Temporaryong gipasirado karong adlawa sa Bureau of Internal Revenue XI ang usa ka coffee shop sa may dalang Torres ning dakbayan sa Davao.
Gibutyag ni Rodrigo Rivamonte Revenue District Officer sa BIR Davao nagpahigayon sila’g ‘Oplan Kandado’ human nga wala nagparehistro isip usa ka value-added tax (VAT) payer ang Café Demitasse.
“If mag-exceed sa sobra P1,919,500 ma-classify na siya as a VAT payer, however in this case for the two quarters of 2017 we’re able to established nga dapat VAT payer na si Café Demitasse”, segun ni Rivamonte.
Sumala ni Rivamonte nga naestablisar nila nga adunay P8.4M nga kita ang maong pamatigayon sulod sa duha ka quarters apan P1.5M lamang ang gideklara niini.
“They are supposed to be VAT payer na pero wala sila nagrehistro as VAT, nagpadayon sila sa ginatawag nato nga percentage tax payer by paying 3% of their gross sales,” segun ni Rivamonte.
Mamahimong makaabli ang maong establisemiento kung mabayran na ang buhis nga gi-require kanila sa BIR ug kinahanglang magparehistro na sila isip usa na ka VAT payer.
Matud pa ni Rivamonte nga andam nga bayaran karong adlawa sa Café Demitasse ang P2.3M o 110% basic tax due.
Magpadayon gihapon ang imbestigasyon og pag-monitor sa BIR XI sa maong napadlakan nga coffee shop.
RadyoMaN Aimee Guinita
