Col. Berango, nanghinaut nga mabag-o ang desisyon sa mga konsehal human ang ilahang operasyon sa STL

23

General Santos City— Gipaniguro ni Police Senior Superintendent Romeo Ruel Berango, acting City Director sa Gensan City Police Office nga wala nila ginatulug-tulugan ang ilahang trabaho.

Sumala niya nga gilayon silang naghimo ug aksyon dihang madawat ang mando ni Mayor Ronnel Rivera ng magpahigayon ug operasyon batok Small Town Lottery outlet sa dakbayan, apan tungod sa kulang nga mga himan sama sa tarpaulins, mga kandado, kadena ug uban pa, Lunes na sa hapon sila nakasugod uban ang City Permits and Licensing Division pinaagi ni Geraldine Zamora ang labaw sa maong buhatan.

Dako man usab ang panghinaot ni Col. berango nga human ang ilahang mga accomplishment batok STL outlet, mausab ang desisyon sa mga konsehal nga pagdeklara kaniya ug Persona Non Grata sa dakbayan.

Kung asa ilaha matud pang ginalauman nga mahatag na ang kulang nga mga tarpaulin aron nga hingpit ng mapasirad-an ang nahibiling 37 ka mga STL outlet nga nagpabiling abli sa area of responsibility sa Police Station 7 kung asa adunay 9, sa area sa Police Station 2 nga aduna pay 8, sa area Sa Police Station 4 nga aduna pay walo ug sa area sa Police Station 3 nga adunha pay 12 ka mga STL outlet nga nagpabiling naga-operate.

Facebook Comments