Murcia, Negros Occidental – Patigayunon bwas nga adlaw ang turn-over of command sang 303rd Brigade Philippine Army diri sa Camp Nelson Gerona, Negros Occidental sa tunga nanday out-going brigade commander Brig. General Francisco Delfin pakadto kay in-coming brigade commander Col. Eliezer Losañes.
Ginpahayag sang Public Information Officer sang 303rd nga si Capt. Eduardo Precioso, Jr. nga ang seremonya pagatambungan mismo nanday Negros Occidental Governor Alfredo Maranon Jr. kag Oriental Governor Roel Degamo. Magatambong man sa turn over ceremony sanday Bishop Patricio Buzon sang Diocese sang Bacolod kag Bishop Gerardo Alminaza sang Diocese of San Carlos.
Nahibaluan nga si Col. Losañes ang miembro sang Diwa Class 1995 sang Philippine Military Academy (PMA) kag madugay nga nagserbisyo sa isla sang Panay.
Si Delfin ang magaserbe nga assistant commander sang 3rd Infantry Division nga nakabase naman sa Jamindan, Capiz.
Sa pihak nga bahin, ginapanindugan sang army diri sa Negros nga sa gihapon tutukan nila ang pagpadayon sang peace and development program sa Negros Island lakip na ang kampanya batuk sa armadong grupo.
