Col. Santiago Rapiz patay sa buybust sang CITF-PDEA sa Dipolog City

29017

DIPOLOG CITY – Patay ang isa ka Negrosanon nga pulis sa isa ka buybust operation las 7:40 kagab-i sa Andres Bonifacio College Compound, Barangay Miputak, Dipolog City.

Nakilala ang biktima kay PSupt. Santiago Ylanan Rapiz, Logistic Officer sang Zamboanga Del Norte Provincial Police Office.

Nagpatigayon sang buybust operation ang mga katapo sang Counter Intelligence Task Force (CITF) sa pagcoordinate sa Philippine Drug Enforcement Agency (PDEA) sa diin sang nacorner ini sang mga arresting officer, naggabot ini sang iya armas kag nagpalupok rasun nga natiruhan sya.

Gindali dali pa dala sa Corazon Aquino Hospital si Supt. Rapiz apang gindeklara nga dead-on-arrival.

Siya ang anay chief sang NOcPPO sa Police Community Relations kag isa sa pito ka mga pulis nga ginrelieve sang 2016 santo sa Special Order No. 8791 gikan sa Campo Crame bangod man sa ginasiling involvement sa iligal nga druga.

Nakaagi man assign si Supt. Rapiz sa Bacolod City Police Office, Escalante City Police Station kag Victorias City Police Station.

Facebook Comments