Guipos, Zamboanga del Sur – Nagpalaban sa buhatan sa kapulisan sa lungsod sa Guipos ang duha ka mga lending collectors human kining gitulis sa wala mailing suspetsado sa Poblacion, Guipos, Zamboanga del Sur alas 8:30 niadtong nakalabay nga gabii.
Giila ang mga ALJON BALATIAN, 23 -anyos, residente sa Lumbayao, San Pablo, niining probinsya ug ALVIN BULANON, 26-anyos, taga-Brgy. Diburok,Pagadian City pulos empleyado sa GL lending corporation, nga nakabase dinhi sa syudad.
Sumala sa mga biktima samtang sakay sila sa Honda TMX 155 usa ka lalaki ang nipara ug nisakay sa ilang motorsiklo ug nimando sa driver nga si Aljon Balatian kalamadong mopadagan paingon sa Brgy. Mati, San Miguel, dihang nahidangat sa Brgy. Katipunan, Guipos, ang laing motorstar nga motorsiklo ang nibabag sa mga biktima ug didto na gikuha bag nga dunay sulod 40,000 ug lakip nga gidala ang yawe sa ilang motorsiklo.
Daling nisibat ang mga tulisan paingon sa lungsod sa San Miguel.
Ang tropa sa Guipos Municipal Police Station naglusad og follow up operation alang pag-ila sa mga tulisan.
